panata acara milangkala YASPI BINA BANGSA

PANATA ACARA MILANGKALA                     

YASPI BINA BANGSA

Assalamu’alaikum warohmatullohi wa barokatuh.

Minangka bubuka catur, sim kuring ngahaturkeun nuhun ka sadayana anu parantos kersa ngaluuhan ieu acara. Pangutamana ka sesepuh YASPI BINA BANGSA (Drs.H.Abbas.MM) nu ku simkuring di pikahormat, Pupuhu YASPI BINA BANGSA (Ayi Abdullah S.Ag), Staf guru YASPI BINA BANGSA, Sareng ka siswa /i YASPI BINA BANGSA.

mangga urang buka bae ieu acara ku sami – sami maca basmalah : Bismillahirrohmanirrohim.

Parantos jadi hiji ka biasaan, saban 28 oktober urang sadayana sok mieling milangkala YASPI BINA BANGSA. Dina danget ieu urang sadayana nuju ngayakeun ieu acara. Tanggal 28 oktober ieu teh bari sok dijadikeun poé sumpah pemuda. Maksadna mah minangka sukuran ka Allah SWT, yén YASPI BINA BANGSA  ieu parantos ngembang tugasna di dunya pendidikan salami 29 tahun  kanggo nyiar pangarti.

            Dupi runtuyan acara dina danget ieu téh nyaéta :

1.       Bubuka.

2.       Galindengna ayat suci al Qur’an.

3.       Lagu ”Indonesia raya”.

4.       Biantara ti sesepuh YASPI BINA BANGSA.

5.       Panbagéa ti pupuhu Kapala sekolah.

6.       Lagu “ Himne Bina Bangsa ”.

7.       Hiburan bari sakanteunan ngabagikeun hadiah, rupi – rupi lomba sareng pasanggiri.

8.       Do’a.

9.       Panutup.

Supados henteu nyangkolong teuing kana waktos, mangga ayeuna urang lajeungkeun kana acara anu salajengna nyaéta galindengna ayat suci Al Qur’an, anu badé didugikeun ku Sadérék Siti Maryam sareng saritilawahna ku sadérék Mirna Wati Dewi. Ka sadérék Siti Maryam sareng sadérék Mirna Wati Dewi, mangga dihaturkeun.

( réngsé maca Al – Qur’an sareng sari tilawahna )

Parantos ka kuping ku urang sadayana galindengna ayat suci Al – Qur’an sareng sari tilawahna. Mugi – mugi urang sadayana aya dina panang-tayungan mantenna. Amin. Mangga ayeuna urang lajengkeun kana acara nu salajengna nyaéta urang sami – sami ngabandungan, hariring lagu wajib Indonesia raya. Ka kelompok paduan suara MA BINA CENDEKIA dihaturanan!

           

   (réngsé ngalagu Indonesia raya )

Hadirin acara salajengna nyaéta biantara ti sesepuh YASPI BINA BANGSA anu badé didugikeun ku kersana Bapa Drs .H. Abbas. MM. mangga dihaturan!

(réngsé Biantara ti Sesepuh YASPI BINA BANGSA )

Hatur nuhun ka Bapa Drs.H.Abbas.MM. anu parantos ngadugikeun biantarana!

Salajengna, sim kuring ngahaturan ka kersana Bapa Ayi Abdullah.S.Ag, salaku pupuhu kapala sekolah kanggo ngadugikeun biantara pangbagéa. Mangga dihaturanan!

(réngsé biantara ti pupuhu Kapala sekolah)

Hatur nuhun ka Bapa Ayi Abdullah.S.Ag. anu parantos ngadugikeun  biantara pangbagéana!

salajengna mangga urang sami – sami ngabandungan, hariring lagu Himne Bina Bangsa. Ka kelompok paduan suara MA BINA CENDEKIA dihaturanan!

(réngsé lagu Himne Bina Bangsa)

Alhamdulillah acara poko parantos réngsé, ayeuna mangga urang pungkas ku do’a anu badé dijejeran ku sadérék Ramdan Rais. Ka sadérék Ramdan Rais mangga dihaturanan!

(réngsé ngado’a)

Nembé urang neneda ampunan, sareng pangjaring – pangaping Gusti Yang Widi, mugi – mugi sagala rupi amal ibadah ditampi ku Alloh SWT. Kitu deui harepan sareng paneja urang sadaya, mugia tinekanan. Amin!

Alhamdulillah urang sadaya parantos tiasa ngalaksanakeun acara dugika réngsé, sim kuring salaku panata acara nyuhunkeun dihapunten samudaya kalepatan, wileujeng tepang deui taun payun dina acara anu sami. Urang pungkas ieu acara ku sami – sami ngucapkeun hamdallah : Alhamdulillahi robbil’alamin. Wabillahi taufiq wal hidayah.

Wassalamu’alaikum warohmatullohi wabarokatuh.